Песни Кёчгюнчюлюкню джыры и клип

• Скачать Кёчгюнчюлюкню джыры мп3 бесплатно
• Текст песни
• Слушать онлайн бесплатно
• Смотреть видеоклип
• Другие песни Зейтун Геккиев

Добавил: 2016-11-01

Посетило: 425

Время: 07:58

Текст данной песни:

Музыка и стихи Зейтуна Геккиева.

Боран ургъанча, джете таулагъа,
Къызыл аскер бла бирге мешинала.
Халкъ, ангыламай, къараед алагъа,
Къыйынлыкъ келгенин билмей Малкъаргъа.
Заман бермей хапчукларын джыйаргъа,
Кимни ура, кимни тюе солдатла,
Адамланы мешналагъа джыйдыла,
Элтиб, товар вагонлагъа къуйдула.

Мен бу джырны джырлайма алагьа
Тифден ёлген ата къарындашлагъа,
Туумай ёлген таулу сабийлеге,
Къыйынлыкъ кёрген малкъар миллетиме.

Туугъан эллерин къоялмай таулула,
Амал табмай башларын къутхарыргъа.
Тюзлюк тилей, тилек тилей Аллахдан,
Дилай - джилай кете элле тауладан.
Джоллары айланнганед Къазахстаннга,
Джюреклери къалгъан эди таулада.
Тау сууларыча саркъа джылямукъла,
Джылай баралла таулу тишириула.

Мен бу джырны джырлайма алагъа
Къыйынлыкъ кёрген атам бла анама,
Кёчгюнчюлюк сынагъан адамлагъа.
Азиядагъы таулу къабырлагъа.

Азияда окъуб билим алалмай,
Комендантсыз башха элге баралмай,
Сыныкълыкъны сынаб, тёзюб джашаула,
"Кёчгюнчю" деб, саналмайын адамгъа.
Жаша дыла саналмайын адамгъа,
Къарт къарыусуз атала бла анала,
Къум тюзледе эллерйне тарала,
Къагъанакъла ашдан тоймай, къычыра,
Джата элле бешикледе, джан ала.

Мен бу джырны джырлайма алагъа
Эрге бармай, ёлген таулу къызлагъа,
Таулагъа термилиб ёлген къартлагьа.
Бизни Кязимге салыннган сын ташха.

Къазауатдан келген таулу джашла уа,
Эллеринде киши табмай, къыйнала,
Юйюрлерин къайда табаргъа билмей,
Элден элге айлана элле излей.
-Не этгенле къырал ючюн ёлгенле,
Къазауатдан къолсуз, бутсуз келгенле -
Деп джазаед бизни Къайсын, къыйнала,
Назмуларын чыгъаралмай басмагъа.

Мен бу джырны джырлайма алагьа
Урушда ёлген таулу джашлагъа.
Джаныбыздан сюйген мийик таулагъа,
Кёчкюнчюлюк сынагъан адамлагъа.

Ахырда мени айтырым келеди
Кёчгюнчюлюкню билирге керекди.
Унутмайыкъ миллетибиз кёргенин,
Унутмайыкъ Азияны тюзлерин.
Унутмайыкъ ачлыкъдан ёлгенлени,
Унутмайыкъ къыйынлыкъны бергенни.
Берия бла Сталин этген хатаны,
Унутмайыкъ биз 8-чи мартны.

Мен бу джырны джырладым алагъа
Чечен миллетге эм Ингушлулагъа,
Къарачайны миллетге, Малкъар халкъыма,
Кёб ёмюрлени джашасынла ала

Комментарии на нашем сайте:

Поделиться мнением