Текст данной песни:
муз. и сл. народные
Эй, эй, Ачей да улу Ачемез, дейле, ой,
Ой, Ачемеза а, ой,
Ол Къырымдан а келген къырым хан,
Ой, хо-орайда, ой.
Эй, эй, Ачемезге хапар сорады, дейди, ой,
Ой, алай сорады
- Ой, Ачемез, тау ичлери тармыды?
Ой, хо-орайда, ой.
Эй, эй, Ачемез а "Тау ичлери тардыла, - деди, -
Ой, алай а тардыла,
Ой, мында уа атха арпа бермейле,
Ой, хо-орайда, ой.
Эй, эй, Ачемезни къатынчыгъыЖанёлмез, дейди,
Ой, алай Жанёлмез, ой, ой.
Ой, Жанёлмез ариу къарылгъач къашлыды,
Ой. хо-орайда. ой.
- Эй. эй, Ачемез Къатынынгы хан тилейди, - дейди, ой
Ой, алай да тилейди.
Ой, бир кечеге аны хаухлугъун бер, - дейди.
Ой, хо-орайда, ой.
Эй, эй, ханыбызны сыйлы кёрейик, - дейди, ой, -
Ой, алай а кёрейик.
Ой, дуния билгенден, тейри бла хан бирди,
Ой, хо-орайда, ой.
Эй, эй, къатын бла уа жан бирди, - дейди, ой, -
Ой, алай а жан бирди,
Ой, ханны аурууун мен алсам, не сейир?
Эй, хо-орайда, ой.
Эй, эй, тийрени, къоншуну да жатма къой, - дейди, -
Ой, алай а жатма къой.
Ой, жатар тёшегинги къакъма къой,
Ой, хо-орайда, ой.
Эй, Ачемезни къатыны ариу Жанёлмез, дейди, ой,
Ой, алай Жанёлмез.
Ой, эки окъ да бирден тиймей, хан ёлмез,
Ой, хо-орайда, ой.
Эй, эй, Ачемез а дуниягъа айтылгъан батырды, дейди, ой,
Ой, алай а батырды.
Ой, Ачелада тауушсуз ушкок атылды,
Ой, хо-орайда, ой.
Эй, эй, окъ тийгенди ёшюнюнгю кенгинден, дейди, ой,
Ой, алай а кенгинден.
Ой, къанынга барады, хан, чубангы женгинден,
Ой. хо-орайда. ой.
Эй, эй, жаталмадынг Жанёлмезни къойнунда, дейди, ой,
Ой, алай къойнунда.
Мыллыгынг жатад уллу чегетни бойнунда,
Ой. орайда, ой.
Эй, эй, ханны салдырдыла балас чанагъа, дейди, ой,
Ой. алайа чанагъа.
Эй, ыспас болсун Ачемезни тапхан анагъа,
Ой-ра-орайда, ой.
